合格8|华人灵异门户
当前位置: 合格8网 > 灵异事件 >

香港曹公潭見鬼事件

曹公潭位于香港新界的荃灣區,鄰近光板田村。大涌道 曹公潭經過青山公路后流出藍巴勒海峽的河道于1990年代開始已被鋼板覆蓋成為馬路,即今天的大涌道。

    現在同大家講嚇最近發生喺我身上嘅真實事件,希望大家唔好學我咁心口寫個勇字,盲衝盲撞!以前成日以為妖魔鬼怪只會在晚間活躍,日頭全部閃埋,亦聽過有師傅話最猛烈嘅時辰係半夜三點至清晨五點,事實上妖魔鬼怪係二十四小時都存在它們的據點,只是某些時段冇咁活躍而已!


    早兩個星期某天小弟清晨五時半起床希望上班前先去曹公潭作實地資料搜集,希望為下次靈探活動做好準備,曹公潭,位於荃灣,可以講係香港著名猛鬼地點,原來曹公潭之命名,係紀念南宋時代時侍奉宋帝昺的曹公公,話說當年曹公公侍隨宋帝昺來港避難,路過該潭時失足滑倒山澗之被水沖落潭中浸死,後人憐其忠義而將該潭命名為曹公潭,坊間盛傳曹公潭非常邪門!有人話有水鬼專門在水中等待替死鬼,七八十年代,每年都會浸死一兩個人的。


    原先估計六時半去到天已光齊,但六時十分去到現場附近泊車後發覺仍是黑夜,但小弟需要早上八時返抵大嶼山工作崗位,心想已算是早上了, D陀地應該閃哂啦掛,好,就先行去探一探個曹公潭廢村吧!沿住大型排水渠冇幾分鐘就見到曹公潭廢村大型告示牌在望但突然有三隻陀地在兩旁黑暗中撲出來並圍我發出胡胡聲, 小弟行山多年,有過無數次類似經驗, 一於企定定響度, 乜都唔使做,


    佢地嗅到夠,但我還是意識地用兩隻手保護住個祠堂,容乜易嗅嗅嚇突然咬一嘢架!幾分鐘後班陀地驗明我正身後和平散去,於是繼續探該廢村,但小弟發該廢村大部份已被清拆得乾乾淨淨,只餘小量圍牆冇乜料嚟但天仍未光,於是決定向曹公潭繼續推進, 離開哂高樓大廈穿過一間小型廢屋後,大量奇型怪壯嘅大石湧現眼前, 呢處地勢係天然嘅陰森,兩邊大樹參天,需然好幾個星期未落過大雨但見到副潭已極為深水,最深之處超過十尺水深,從兩旁大石嘅痕跡可以看見大水時的痕跡,都幾恐怖架!一塲大雨後水位汛即升高幾尺之深,呢個潭可以明顯睇到水質曾受污染!


    石底黑沉沉!聽說浸死人最多就係呢個副潭,因為呢度實在太方便太近民居了!正當小弟在此處爬來爬去時小弟有一種被人監視嘅感覺,亦感到頭赤赤,突然摸摸心口發現今早怱怱離家忘記了帶佛牌!即時感到心寒!心想今次大鑊!於是立刻急速爬離現場但感覺背後好像有嘢跟住!當時成身起哂鷄皮! 完全唔敢轉身去望望後邊! 只係想以最快嘅腳步逃離現場!三魂唔見七魄落荒而逃之下找到坐駕並馬上驅車返工,返到公司個頭一直痛到爆! 起初以為係唔夠瞓, 到咗中午我伏在寫字枱小睡片刻但瞓咗冇耐感覺到成張枱震咗一嚇!我即時彈起身! 


    震呀!可能係我眼瞓得滯錯覺嚟啫!但同樣情況在其後一個鐘頭之內再發生兩次!最後嗰次係我坐直個身抹大對眼見到張枱自己震呀!我樽水直情有漣漪?,我知道我瀨咗嘢啦呢鑊!於是急急腳衝去衣櫃攞佛牌帶上身,我平時將大部份嘅佛牌放公司,少部份放家裡, 帶咗之後我再唸咗幾次由心雄膽壯師兄提供的咒語, 下午稍微覺得鬆弛了少許,晚上回家後用最熱嘅水沖涼,驅陰驅寒,條腸都好似淥到熟食得咁滯!


    其後幾日頭痛情況一D都冇改善,我知道有嘢一直跟住我並有意無意都露兩手向我顯示惡意!櫃頂或枱面某些物件會無緣無故自己跌落地!


    老婆重問我做乜將佢支牙刷放洗手盆入邊,我唔敢話比老婆知發生咩事!我心想過兩日隻嘢可能自己會走掛但我嘅想法錯了!我其後嚴重到在家無緣無故發火鬧我老婆跟手又大聲鬧埋個女!佢兩個嚇到入哂房!


    後來我老婆見我冷靜下來就行埋我身體想問我咩事但我都記唔起我地之間講咗D乜嘢就嘈大交!之後我做咗成個禮拜廳長,過兩日我在老母屋企又係咁,無情情發大火鬧老母!在公司好多同事都覺得我近呢兩個星期火氣猛!面目猙獰,完全同我溝通唔到!


    我知道自己發生咩事了! 我頂到咁耐可能係佛牌幫咗我小小但問題唔解決長此下去我會冇咗個家!


    我用泰國大師教我嘅方法在我家附近做咗D嘢, 詳情不便在這裡提及,之後我感覺上好像鬆了些,第二日個頭唔痛了, 我唔敢講事件解決了! 後來我去泰國見高僧請的佛牌才化解這件事!


    曹公潭位于香港新界的荃灣區,鄰近光板田村。大涌道 曹公潭經過青山公路后流出藍巴勒海峽的河道于1990年代開始已被鋼板覆蓋成為馬路,即今天的大涌道。


    沿“照潭徑”走,“曹公潭”流下來的水涌,被稱為“檀香澗”,因為1950年代,上流有水力碾磨香粉的企業,沿“檀香澗”走約15分鐘,便可到達。共有三個不同層次的池塘:最高層的稱為“曹公潭”;中層的稱為“珍珠潭”;層的稱為“梅花潭”。

返回首页

------分隔线----------------------------
免责声明
相关阅读
栏目列表
推荐内容